NE State hrang hrangah ruihhlo halral runpui nei

Union Minister Amit Shah kaihhruai North East State hrang hranga a ruala ruihhlo halran runpui Inrinni-a buatsaih chu Mizoram-ah pawh Excise and Narcotics Department ten zawm ve in ruihhlo thahnem tak hal ral a ni.

Ministry of Home Affairs, Narcotics Control Bureau buatsaih Drug Trafficking & National Security hi Assam Administrative Staff College, Guwahati-ah neih a ni a, Union Home Minister Amit Shah chuan hovin NE State-a Chief Minister, Chief Secretary leh mi pawimawh dangte an tel a, he hunah hian hmarchhak State-a ruihhlo dan kengkawhtu hrang hrang ten a rualin ruihhlo tihral hun an hmang a, hei hi Online-in Conference a tel te hian an chhim a ni.

Hemi pual hian Mizoram Excise Department buatsaihin Bethany Multipurpose Farm, Phunchawng-ah ruihhlo halral a ni a, ruihhlo tam tham tak halral niin heng zingah hian Heroin No. 4 kg 18, Methamphetamine kg. 40, Tramadol gram 643, Alprazolam gram 652, Codaine kg 105, Ganja kg. 88, Nitrazepam gram 129, Pseudoephedrine grame 657 leh Lorazepam gram 2 te a tel a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man