MSHCS-a bill bá rulhna atan vbc. 20 ruahman

Mizoram State Health Care Scheme (MSHCS) hnuaia damlote bill tang mek pek anih theih nan Zirtawpni khan Planning and Programme Implementation Department chuan SEDP Untied Fund atangin cheng vbc. 20 a ruahman tih sawrkar thuchhuah chuan a tarlang.

Hemi chungchanga Sawrkar thuchhuah tarlan danin Mizoram State Health Care Scheme hnuaia inziaklut ten an inenkawlna senso an la lak theih loh bill tang mek pekchhuah anih theih nan Planning and Programme Implementation Department chuan Sawrkar Flagship Programme, Socio Economic Development Programme (SEDP) atangin pawisa Untied Fund cheng vbc. 20 ruahman anih thu tarlan a ni. Tuna cheng vbc. 20 ruahman anih hma hian sawrkar chuan tun thla tir khan cheng vbc. 4 chu MSHCS hnuaia damlo te bill tang phuhruk nan alo pechhuak tawh bawk a ni.

Zawhna chhangin Planning Department hotute chuan, SEDP atanga cheng nuai vbc. 20 pekchhuah leh tur hi a taka pekchhuah hun tur sawi theih a la ni lo tih an sawi a, RTI Act hmanga zawhna Health & Family Welfare Department-in August 2022 laihâwla an chhàn danin, Health Care Bill bá cheng vbc. 74.04 a awm a ni. MSHCS-ah hian kum hmasa lam ngaihtuahin inziaklut zat an tlahniam a, October 1, 2019 leh September 30, 2020 chhung atana inziaklut chhungkua 1,13,720 an awm laiin, October 1, 2021 leh March 3, 2022 atana inziak lut chu chhungkua 87,695 an ni a, kum kal mek April 1, 2022 leh March 31, 2023 chhung atana inziaklut zat phei chu chhungkua 39,505 chiah an ni tawh a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar