Mizoram atangin ICT Minister Robert-a a tel

/

Inrinni khan New Delhi-ah India Mobile Congress leh IT Ministers’ Conference neih niin Mizoram atangin ICT Minister Robert Romawia Royte chu a tel a ni.

He Conference-ah hian Prime Minister Narendra Modi te, Union MEITY Minister Ashwini Vaishaw te, Union MoS Rajeev Chandrashekar te, Union MoS for Communications Devusinh Chauhan, Jio neitu Mukesh Ambani te bakah State IT Ministers te leh Secretary te bakah India leh khawvel hmun dang atangin IT lama hmalatute an tel a, Session hmasa berah Prime Minister Narendra Modi pawh tel vein 5G Services chu a hawng a. 5G Services avangin ramin kawng hrang hrangin hma a sawn ang tih a sawi a ni.

He hunah hian Mizoram atanga tel ICT Minister pawhin Mizoram in Telecom Infrastructure Policy a neih thar tawh thu sawiin, hei hian nasa taka hnathawktute tan awlsamna a siam thu a sawi a. Mizoram chu hmun kilkhawra awm a nih avangin kawngpui, railways leh air services-ah te a hnufual rih a. Hei vang tak hian Internet leh Telephone service tha kan mamawh zual bik tih a sawi a. Ministry of Communications leh Ministry of MEITY-a Mizoram projects pending mekte chu sanction rang turin a ngen bawk. ICT Minister chuan Minister dangte ang bawkin Social Media-a mahni nihna thup si a nasa taka hmansual a ni mek chu dan mumal tak siama khawng taka do a tul a tih thu a sawi bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »