Mizoram-ah hri kai enkawllai mi 50 an la awm

Nimin tlai thleng khan Mizoram-ah COVID-19 hri kai enkawllai mi 50 an la awm.

Nimin khan Mizoram-ah COVID-19 hri kai chhinchhiah an awm belh lova, hri kai enkawllai zingah mi 11 te chu anmahni enkawlna hmun atanga chhuahtir an ni thung a ni. Heti hian nimin tlai thleng khan Mizoram-ah Sample 19,85,986 enfiah ni tawhin COVID-19 hri kai mi 2,38,680 hmuh an ni tawh a, hri kai zinga mi 2,37,907 te chu enkawl dam ni tawhin hri kai hmuhchhuah atanga za zela 99.68 te enkawl dam an ni tawh a, hri kai enkawllai mi 50 la awmin hri kai zingah mi 723 an boral tawh a ni. Aizawl District chu hri kai enkawllai tamna ber District la niin mi 22 enkawl an la ni a, Saitual District-ah 10, Khawzawl District-ah 8, Lunglei District-ah 5, Mamit District-ah 3 leh Serchhip leh Champhai District-ah mi pakhat ve ve enkawl an la ni.