LMC E. Roll tlangzarh

Lunglei Municipal Council (LMC) inthlanna neih tur atana Electoral Roll buatsaih hna chu zofelin nimin khan Final Electoral Roll tarchhuah a ni ta a, Lunglei District Bawrhsap leh District Election Officer Kulothungan A chuan a tlangzarh a ni. LMC-ah hian Ward 11 awmin Vote nei mipa 19,117 leh hmeichhia 21,424, an vaiin Vote nei 40,541 an awm a, Draft Roll aiin Vote nei thei hi 276 in an tam zawk a ni. Ward No. 8 (Ram-thar, Farm Veng) ah voter tam berin mi 4,306 an awm a. Ward No. 11 (Lungpuizawl, Zobawk N, Zobawk S) ah voter tlem berin 2,975 an awm dawn bawk a ni.