Lui lian laka venna siam dawn

Tlawng lui lian in a Bairabi khaw chhunga chenna In leh khawchhung hmun thenkhat a lak hek thin te ven a nih theih nana ruahman, ‘Construction of River Training Works For Protection of Tlawng River At Bairabi Phase-1’ bultanna tur lungphum chu nimin khan bialtu MLA leh LAD Minister K. Lalrinliana chuan Zero Point Bazar Shed, Bairabi South-ah a phum a. He Project-in a tum ber chu Bairabi khaw chhung, Tlawng kam tui lianin Mizoram lam a tihchhiat zel tur venna tur siam a ni a. Tlawng kam ah mumal tak a lung (boulder) rem tur a ni anga, tuilianin vau kam a tihchhiat tur ven ngai hi km 1.50 vel anga chhut a ni. A thawhkhatna atan hian NABARD kaltlangin meter 300 velah hmalakna kalpui a ni ang.