International Day of the Girl Child pualin GSC in hmeichhe zirlai chhuanawm an chawimawi
'International Day of the Girl Child' puala inkhawm nimin chawhnu-a Govt. Serchhip College Seminar Hall-a neih hi he College Principal K. Laldinpuii chuan khuallian nia hmanpuiin hmeichhia leh mipa inkar a zau in kan dinhmun a inthlauh avang leh hmeichhia ten an dikna leh chanvo an chan theihna tur leh intluktlanna a awm theihna turin he ni hi hman anih dan te a sawi a. India ramah phei chuan hmeichhia leh mipa dinhmun inthlauhna a nasa zual tih pawh sawiin, Sakhaw thenkhat tan phei chuan fanu neih chu anchhia angah an ngaih hial thu leh inneih dawna hmeichha thuam chhawm avangte in hmeichhia te dinhmum a hniam em em a, hmeichhe naupiang hlim tihlum a tam phah a, nau a pian hma in mipa nge hmeichhia anih hriat phal lohna Dan te hial duan anih thu a sawi a, khawvel huap pawhin hmeichhia ten an dikna leh chanvo an chan theihna tur leh an dinhmun chawikanna turin kum 2011 atang khan kumtin October ni 11 chu International Day of the Girl Child hi hman alo nih tak thu a sawi a ni.
Nimin-a he hun hman hi he College-a Asst. Professor leh Women Cell-a Member Laldampuii chuan kaihruaiin Dr. S. Beirosa, Programe Officer NSS Unit chuan Power Presentation hmangin International Day of the Girl Chid chungchangah zirlaite chu zirtirna a pe a, Dr. Lalhmangaihzuali Ralte, PO NSS Unit in Felicitation of Girl Child hun kaihhruaiin College hmeichhe zirlai kawng hrang hranga titha, thisen vawi 7 pe tawh Vanlalhruaitluangi (I Sem BA) leh Lalrammuanpuii (V Sem BCA) leh vawi 5 pe tawh R. Lalrosangi (V Sem BSc) bakah College Week hman zawh taka Best Girl a thlan Rualthankhumi (I Sem BA) te hnenah chawimawina hlan an ni a. Women Cell-a Secretary Vanlal-liani hnen atangin GSC Women Cell ten Sanitary Pad Vending Machine an lei, College a an dah hman dan tur inzirtirna neih a ni bawk.
Comments
Post a Comment