Serchhip DTO in hma la nghal

Serchhip Bazar Parking Area chu mi thenkhat ten Garage ang maia hmanga lirthei an dah thin chungchang Serchhip Joint VC Association ten Serchhip District Transport Officer hnena an thlen chungchangah Serchhip DTO C. Lalawmpuia chuan hma la nghalin nimin khan Parking Fee khawntute pawh hemi chungchang hi a sawipui nia thudawn a ni a. Serchhip Joint VC Chairman B. Vanlalngura chuan DTO hnena an thu thlen chungchang hi DTO hian bawhzui nghalin Parking Area-ah hian lirthei lo riah thin an awm a nih pawhin zing dar 7:00 hnu lamah chuan Private Motor dah thin te hian an dah dawn tawh loh thu nimin khan a rawn hrilh thu LENKAWL chu a hrilh bawk.

Serchhip DTO C. Lalawmpuia chuan Parking Area mai nilo hmun dang ah pawh hlauh-awm tak taka kawng sir-a lirthei dah ching an la awm thu sawiin, heng te hi dan in a phalloh thil a nih thu a sawi a, abik takin motor kawng kual lai taka lirthei dah te, kawngpui tawn tawna lirthei dah thuah te chu phalloh leh midang tan a himlo anih avangin heng te hi mipuiin hre ther leh se a duh tih a sawi a. Tunhnai ah mipuiten dan an zawm theihna turin kar khatah vawi hnih vawi thumte zingkar atanga duty neiin Zirna In-ah Dan inzirtirna te neih a nih thu a sawi bawk.