Hrangturzo bialtu MLA leh Home Minister Lalchamliana chuan nimin khan East Lungdar Distribution Center-a Godown thar a hawng a, Supply Department in Mizoram mipuiten man tlawm zawka buhfai an lak theihnan leh mi harsa zualten a thlawna buhfai tha leh hrisel an lak theihna atana an hnathawh te a fak a, buhfai tha kan dawn theih nan hian Godown tha kan mamawh avangin E. Lungdar-ah pawh Godown thar sawrkarin a sa a ni, a ti. East Lungdar-a Godown hawnna hi Ramdinliani, Secretary FCS&CA chuan kaihruaiin he Kudam sakna atan hian cheng nuai 164.71 hman a ni a, buhfai MT 200 leng tura sak a ni. Godown bakah hian Staff Quarters leh Toilet te sak ni bawkin heng te hi Home Minister hian a tlawh nghal bawk a ni.
Home Minister Lalchamliana hian nimin vek khan East Lungdar khua a Rurban Scheme hnuaia sak ‘Rurban Futsal Ground’ chu a hawng bawk a, he Futsal Ground hi SPMRM (Rurban) sum cheng nuai 45 leh MGNREGS-a Material Components sum cheng nuai 5 bakah VEC ten Wages Components atanga hma an lakna atanga siam a ni a, a dung ft. 110 leh a vang ft. 65-a zau niin Artificial Grass phah a ni a, Gallery ft. 12-a zau, ft. 92-a sei awm bawkin Player te inthlakna tur Room ruahman a ni bawk. Futsal Ground leh Gallery hi a chung zar vek a ni a, zan lamah pawh inkhelh theih tura ruahman a ni.
Comments
Post a Comment