Sawrkar-na kan chelh ve tawh dawn - BJP President

BJP Mizoram Pradesh State President Vanlalhmuaka chuan nakum 2023 MLA General Election neih hnuah chuan sawrkar-na an chelh ve tawh dawn niin a sawi.

BJP Mamit District Executive Meeting Inrinni a Mamit-a neih a hmanpuina ah BJP Mizoram State President Vanlalhmuaka chuan NE State tam zawkah pawh Sawrkarna an siam tawh thu sawiin, “Mizoram-ah pawh nakum 2023 MLA General Election kan neih hnuah chuan Sawrkarna kan chelh ve tawh dawn a ni,” a ti a. BJP chu hnam hnuaihnung zawk te kawng tinrenga duhsaktu an nih avangin Mizoram pawh hian chumi malsawmna chu tun aia nasa a kan dawn theihna turin a dawhthleng kan lo siam rem fuh erawh angai dawn tih a sawi a. BJP chu eirukna nasa taka dotu an nih avangin India ram mipui te pawhin chumi rah chu a takin kan dawn thu leh hmasawnna tam tak kan hmu ta zel tih a sawi a, “Mizoram-ah pawh BJP Sawrkar hunah chuan mipui chanai eiru te chu hnungkhirh an nih dawn avangin mirethei ten kan chanvo chan tur a nihna anga kan dawn theih nan hma kan la dawn a ni,” a ti bawk.