District Level Children Science Congress neih a ni
BRC Hall Serchhip-a Serchhip District Level Children Science Congress 2022 hi Samagra Shiksha Serchhip Addl. DPC Vanlalchhana chuan kaihruaiin he hun hmanpuitu Serchhip District Education Officer Lawmawma chuan Science chu kan nitin nun-a bet tlat a nih avangin hma kan sawnna tur chuan Science kan ngaih pawimawh a tul thu leh Sciene lama hmasawn a pawimawh thu te a sawi bawk a ni.
Serchhip District Level Children Science Congress 2022-ah hian School 6- St. Peters HSS Chhingchhip (Team 3); Little Flower Convent School Serchhip leh Govt. JM H/S Serchhip (Team 2 ve ve) bakah Govt. PCR H/S, Marian H/S leh Presbyterian English School Serchhip atangin Team pakhat theuh, an vaiin Team 10 an tel a, ‘Understanding Eco-System for Health and Well Being’ tih thupui hmanga inelna neiin Elementary ( Junior)-ah Colbie R. Lalhriatpui leh R. Lalnunfela (LFCS) chu pakhatna niin Gitanjali leh Malsawmzeli (St. Peters M/S) chu pahnihna an ni a, PC. Lalhmangaihzuala leh B. Vanlalruatdiki (LFCS) chu pathumna an ni bawk.
Secondary (Senior)-ah Lalhriapuii leh Lalrindika (St. Peters HSS) chu pakhatna niin Rody Zotluangpuii leh Remtluangpuii Thomte (St. Peters HSS) chu pahnihna an ni a, Lalrinnungi Ralte leh Imanuel Remruatfeli (Marian H/S) te chu pathumna an ni bawk.
Comments
Post a Comment