MPF in hmalakna tur ruahman

Mizoram People's Forum (MPF) Serchhip District Forum chuan nimin khan Executive Committee thutkhawm neiin hmalakna tur an ruahman.
MPF Serchhip District Forum thukhawm Serchhip Kawnpui Kohhran Committee Room No. 2-a neih ah hian nakum mai ah Mizoram in Assembly inthlanpui a hmachhawn leh dawn ta nia a lan avangin hmalak dan tur hrang hrang an rel a, District chhunga Constituency leh Local Forum bakah Joint Forum din thar leh siamthat ngai te chu thla thar November 2022 ralhmain insiamthar leh din that nise an ti a, MPF General Hqrs. te nen tangtlangin District Level MPF Political Seminar neih nise ti bawkin hetah hian Constituency leh Local Forum bakah Joint Forum aiawh mi 200 vel tel tura ruahmanna siam nise an ti a, a hun thu leh tul dangte chu MPF General Hqrs. Forum te nen la indawr zui nise an ti bawk.


He thutkhawm hi MPF Serchhip District Forum-a President Rev. Zohmunmawia chuan kaihruaiin MPF District Forum-a hruaitu zingah hmundang a insawn leh boral te an awm avangin an hmunruak hnawhkhah a ni a, Vice President atan Rev. H. Biakthansanga (Presbyterian Serchhip Bialtu Pastor); Joint Secretary-ah Laltlanmawia (MZP) leh Fin. Secretary-ah Kawlthuama (YMA) te ruat an ni.

Comments

Popular News (Last 30 Days)

LPG man bithliah thar