CM in Anthurium Festival ni 2-na a hmanpui

Ni hnih (2) awh Anthurium Festival-a a ni hnihna chu Inrinni khan Chief Minister Zoramthanga chuan Reiek Tourist Resort-ah khuallian niin a hmanpui.

Chief Minister chuan Tourism chu Mizoram in pawisa a lakluh tam theihna a ni tih he hunah hian sawiin, “Delhi leh khawpui lian tak takah chuan boruak thianghlim lo avangin an hriselna thlengin nghawng tha lo a awm phah thei a. Mizoram-ah erawh a thlawn in boruak thianghlim tak hip tur kan nei te hi kan vanneihna a ni,” a ti a. Heng kan ram nawmna te hi khualzin hipna atan, sum lakluh nan hman a nih theih dan te, chumi atan chuan ruahmanna hrang hrang siam a, sum chungchangah pawh Financial Institution lian tak takte dawrin a tul anga bawhzui zel a nih tur a sawi a ni.

He hunah hian Khualzahawm, Tourism Minister Robert Romawia Royte chuan tourism hmasawnna atana sawrkarin hma a lak dan sawiin, chung zingah chuan Department-in hmalakna êng ‘Infrastruture Revolution’ chu Reiek leh Ailawng tlangdungah a kalpui mek tur thu a sawi a. Govt. Dy. Chief Whip Lalrintluanga Sailo MLA leh Chief Secretary Renu Sharma ten thu an sawi bawk. Anthurium Festival atan hian Ministry of Tourism chuan cheng nuai 25 (Festival Fund) a tumsak a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar