Sawrkar thar lo piang turah BJP a tel dawn tih sawi

BJP Mizoram Pradesh President Vanlalhmuaka chuan Mizoram ah BJP Chief Minister ngei kan mamawh tih sawiin, “Sawrkar thar lo piang tur ah hian BJP tel lo sawrkar a piang dawn lo a ni,” a ti.

BJP Mizoram Shedule Tribe Morcha ten Inrinni-a Berawtlang-a Executive Meeting Cum Political Training an nei a, he hunah hian Mizoram District hrang hranga ST Morcha hruaitute telin Vanlalhmuaka chuan, “BJP hi hnam hnufual Schedule Tribe te a tak taka ngaihsaktu a ni a, India President atan meuh pawh hnam hnuaihnung zinga mi Draupadi Murmu dahtu a ni a. 2023 inthlan pui kan hmachhawn mek a,  2022 Krismas hi BJP tel lo sawrkar kan hrawn hnuhnung ber a ni tawh dawn a ni,” a ti. 

He hunah hian BJP National Shedule Tribe Morcha President Samir Oroan pawhin, “BJP hi hnam hnuaihnung te hmangaihtu a ni a, mirethei zawk leh hnam hnuaihnung zawkte tan Central sawrkar chuan Scheme tam tak a siam a, heng Central sawrkar Scheme hrang hrangte hi mipuite hnena kan puanchhuah zel a tul a. Hnam hrang hrang leh Sakhaw hrang hrangte inngeih leh inhal lova, lungrual taka awm hi BJP thil tum pawimawh em em a ni,” a ti.