Chhingchhip-a Sainik School Governor in tlawhin School enkawltute fakawm a tih thu a sawi

Serchhip District tlawha rawn zin Governor Hari Babu Kambhampati chuan Chhingchhip-a Sainik School chu nimin khan tlawhin he School Principal leh a thawhpui ten Sainik School tha tak ni tur leh hmun danga Sainik School te dinhmun pha tura theihtawp an chhuah chu fakawm a tih thu a sawi.

Governor in nimin-a Sainik School a tlawhna ah hian 8th Bn. Assam Rifles ten an School tual-ah zahna chibai lo bukin School Principal Wg. Cdr. Shahul Hameed leh Administrative Officer Maj. S. Kalyan ten zirtirtute leh School Staff te an hmelhriattir chhunzawm a. Hemi zawh hian Principal Office-ah Sainik School dinhmunte a lem nen inhrilhhriatna hun hman chhunzawm leh niin Assembly Hall-ah Official programme leh Cultural Programme neih a nih bakah an Campuss hmun hrang hrangte a tlawh nghal bawk a ni.


Zirlaite leh thawktute hmaah Governor chuan Mizoram sawrkarin hetiang School tha bik Mizorama zirlaite tan a buatsaih thei chu lawmawm a tih thu sawiin, Chhingchhip-a Sainik School hi India ram hmundang te aia a danglam bikna chu helai hmunah hian Sainik School dangte entawn turin a vawikhatna atana leh a hmahruaitu ni turin Hmeichhe naupangte luhtir an nih thu leh hei hi a chhuanawm takzet tih a sawi a. Sainik School te hi khawi hmunah pawh School thabik an ni tih sawiin, Sipai, Navy leh Airforce Officer ni turin a bik takin heng School-ah te hian zirlai te zirtirna pek a nih thu leh Sainik School-a zirlaite hi Armed Forces ah an thawk vek kher lo a nih pawhin khawtlang leh ram tana khua leh tui entawn tlak ni tura chher an nih thu a sawi a. India chakna chu danglamna tam tak kara inpumkhatna leh inunauna tha a ni tih zirlaite chu hrilhin, he mawhphurhna huangah hian Sainik School zirlaite chu hmahruaitu ni turin a chah bawk.

He hunah hian School Administrative Officer Maj. S. Kalyan chuan Governor Hari Babu Kambhampati lawmna thu sawiin, Zirlai ten Governor pualin Cultural Programme an hmang a, School Principal Wg. Cdr. Shahul Hameedchuan lawmthu a sawi bawk a ni.


Report atanga a lan danin Sainik School Chhingchhip hi May 17, 2017-a hawn niin tunah hian Batch hmasa ber (Class VI) te chu Class XI an ni mek a. Sainik School a lut tur hian All India Entrance Test paltlang a ngai a. Sikul naupang pakhat tana kum khat chhunga senso chu Rs. 1,85,00/- vel nia chhut a ni a. Kumtin Class VI ah hian mipa naupang 60 leh Hmeichhe naupang 10 admission pek an ni mek a. Class IX ah erawh chuan mipa chiah admission pek niin kumtin Seat 10 a awm thin a ni.

School naupangte hian zing dar 5:00 atanga zan dar 9:30 vel thleng nitin, lehkha zirna hun, infiamna leh thildang tangkai zir nan hun an hmang thin a. Lehkha zirna leh a kaihhnawih (Co-Curricular Activities) bakah zirlaite tan hian taksa insawizawina leh themthiamna chi dang atana hmunhma pawimawh Football Ground, Badminton Court, Basketball Court, Gymnasium, Music room leh a dangte chu he School hian a nei a. Swimming Pool, Prade Ground leh Sports Facility tangkai tak tak buatsaih chhoh zel a tum bawk.


Principal hian Mizoram sawrkar in tanpuina a pek thin - GIA dinhmun te, Ambulance te chi MRB in CSR kaltlanga pek an tum chung-chang te, NCC te tana tangkai INSAS Silai Home Department in pek an tum chungchang te, School tih phuisuina atana Ministry of Defence atang sum lo kal tur Rs. 99,96,000/- chungchangte a sawi a. Tui Bill sang leh Electric chhit man sang lutuk te pawh sawiin, Kawlphetha a harsatna sutkian a nih theih nan Campus chhunga Solar Power Generation Plant bun turin Governor chuan thurawn a pe a. Tui bill chungchang pawh Serchhip DC Office leh PHE Department ten hma an la mek tih a sawi bawk.

Comments

Post a Comment

Popular posts from this blog

Tukverh-a tlasual boral