Serchhip ICDS Project ten Poshan Maah 2022 kharna leh lawmman semna hun an hmang

/

Nu leh nausen tana chawtha ei a pawimawh zia inzirtirna uar thla, Poshan Maah (Nutrition Month) 2022 hman chu nimin khan Serchhip-ah a kharna hun hman niin hemi hun chhunga intihsiakna hrang hranga tithate lawmman hlanna neih a ni bawk.
 September thla chhunga Poshan Maah hman kharna inkhawm hi nimin khan Serchhip CDPO Conference Hall-ah neih niin Serchhip Joint VC ten he hun hi an hmanpui a, Serchhip ICDS Project-a CDPO Caryll Lalpari chuan he hun hi kaihruaiin Poshan Abhiyann-a DPC Angela Vanlalruati hnen atangin Pasohan Maah 2022 an hman dan tlangpui ngaihthlak niin Poshan Abhiyaan-a DPC James Lalremliana leh PMMVY-a DPC F. Hmingthankimi te hnen atangin Report ngaihthlak a nih bakah, Aadhaar Enrolment chungchang pawh Calvin Lalngaihsanga, UDC hnen atangin ngaihthlak a ni a. Poshan Abhiyaan-a BPA Laldinpuii Ralte in Poshan Panchayat Committee leh Health & Wellness Club for Adolescent Girls kalpui dan tur leh an tihtur sawifiahin PMMVY-a DPA Lalvensanga chuan PMMVY Steering & Monitoring Committee hmalakna turte a sawifiah bawk.



He hunah hian Poshan Maah 2022 puala Serchhip ICDS Project hnuaia intihsiakna hrang hrang lawmman sem niin nu leh raipuar ei siam lam tuite tan ei siam intihsiakna, 'Mother's Kitchen Contest' neih ah Julie Laldinpuii (Anganwadi Worker New Serchhip-II Centre) chu pakhatna niin PC. Lalsangzeli (Mothers Committee Hmar Veng-I Centre) chu pahnihna leh F. Lalthlamuani (Serchhip P&E-I Centre) chu pathumna an ni a. Mizo naupang infiamna tualchher hmanrua phochhuahna 'Indegenious Toy Fair' neih ah Gospelthangi (Anganwadi Worker Chhingchhip Venghlun Centre) chu pakhatna niin Annette VL. Hmangaihzuali (Anganwadi Worker New Serchhip-I Centre) chu pahnihna leh Vanlalbuali (Anganwadi Worker Hmar Veng-I Centre) chu pathumna an ni bawk. He hunah hian Poshan Maah 2022 chhunga Anganwadi Centre hma la tha lawmman sem niin Lalthuammawii (Hmunzawl-I) chu pakhatna niin Lalthakimi Ralte (Thenzawl Zote) chu pahnihna leh PC. Remlalnghaki (Khawbel-III) chu pathumna an ni bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »