BSF-a IGP in an hnathawh te Governor a hrilh

BSF (Mizoram & Cachar)-a IGP Binay Kumar Jha chuan nimin khan Mizoram Governor Hari Babu Kambhampati chu Raj Bhavan-ah hmuin Mizoram chhung bika BSF te hnathawh tlangpui te a hrilh.

Governor hnenah hian Binay Kumar Jha, IGP of BSF chuan BSF te hnathawh pawimawh ber chu India ramri venhim hna a ni tih a sawi a. Ramri ven hna thawh bakah BSF te chuan an hun tha te an Camp leh Post awmna bula chengte tih hmasawnna atan Program hrang hrang siamin an hmang thin tih sawiin, thalaite hnenah pawh India ram inpumkhatna pawimawhna te sawiin, Sipai-a tan pawimawhna leh hamthatna te uar takin an sawi thin thu a sawi a ni.

Governor Hari Babu Kambhampati chuan Mizoram chhim lamah leh khawthlang lamah te BSF in ramri ven hna pawimawh tak an thawk mek tih sawiin, an hna an thawk tha hle nia a hriat thu a sawi a, BSF ten an hna pawimawh ber bakah an inkulhna hmuna tualchhung mi te tih hmasawn leh tanpui kawngah an thawk tha hle tih pawh sawiin, 31 Bn. BSF ten tanpui ngai te tanpui leh chhawmdawl ngai te chhawmdawl kawngah KS. Nautiyal, Commandant hovin hna an thawk tha takzet tih a sawi a, 131 Bn. BSF Commandant leh a thawhpui Officer leh Jawan te hnathawh that lawmpuina leh hriatpuina atan Letter of Appreciation a hlan bawk.

Comments

Popular News (Last 30 Days)

Vawiin-ah HSLC result

Vawiin-ah HSSLC Exam result