CBC hotute leh MJA hruaitu ten inkawmna nei

Central Bureau of Communication (CBC) Field Office, Aizawl hotute leh Mizoram Journalist Association (MJA) General Hqrs. hruaitute chu nimin khan CBC Field Office-ah an inkawm.

Ministry of Information and Broadcasting, Govt. of India hnuaia pêng pakhat, Central Bureau of Communication (CBC) Field Office, Aizawl hotute hian MJA General Hqrs. hruaitute hi leng ah sawmin CBC Field Publicity Assistant (In-charge CBC, Aizawl) Lalginlen Lhouvum chuan CBC hmalakna leh hnathawh dan tlangpui leh Mizorama chanchinbumite nen thawhhona tha tak neih an duh thu a sawi a, Press Release an neih angte thahnemngai taka chhuahsak thin turin MJA leh Mizoram-a Journalist-te a ngen a ni.

Lalginlen Lhouvum-a sawi danin, Ministry of I&B hnuaia peng pathum - Field Publicity, DAVP leh Songs & Drama te chu chhûng khawmin Central Bureau of Communication (CBC) tih a ni ta a, CBC Field Office, Aizawl-ah hian thawktu mi pali (4) an awm mek a ni.

He inkawmna ah hian MJA President C. Lalrambuatsaiha chuan, CBC hotute chu MJA in theihtawpa thawhpui an inhuam thu sawiin, Mizorama chanchinbumite ngheng hnai tur leh thawhpui thiam tur leh Press Release an neihte chu journalist-te hnena pe taima turin a chah a ni.