Assam lam Chawlhbuk sak ah sawrkar in hma a la - HM

Home Minister Lalchamliana chuan, Assam lamin Bairabi-a chawlhbuk an sak chu a tira an sakna lai tur an endik atanga an hriat tawh thu leh Mizoram Sawkar pawhin hma a lak nghal thu a sawi.

Thuthar thehdarhtute zawhna chhangin Home Minister chuan Bairabi Zophai-a Assam in Chawlhbuk an sak chungchang ah hian ramri depa awm District Bawrhsap-te chu Assam lama an Bawrhsap puite bepawp nghal tur leh he hmalakna hi titawp tura hmala tura hriattir an ni tih a sawi a, Home Secretary pawhin Assam Border Secretary hnenah lehkha thawnin amah ngei pawhin nizan hmasa dar 10:00 hnu khan Assam Border Minister Atul Bora a biak thu a sawi a, hei mai bakah hian Chief Minister Zoramthanga pawhin Assam Chief Minister leh Border Minister Atul Bora biain, an inbiakna ah hian Assam Sawrkar hotute chuan Zophai-a buk sak chu thiah nghal a nih tur thu an hrilh angin nimin khan an thiat ta niin a sawi.

Ramri-a Assam hmalakna hian inremna zawnga State pahnih inbiak mekah nghawng a neih dawn leh dawn loh zawhna chhangin Home Minister Lalchamliana chuan, hetianga an rawn tizel a nih chuan nghawng tha lo a nei palh a hlauh thu leh  hetiang boruak hnuaiah chuan an biak duh a rin loh thu a sawi a. Tun thlaa State pahnih aiawhte Guwahati-a an inbiak tur chung-chang ah chuan tun dinhmunah Assam lamin an buk sak an thiah leh tak bakah boruak a pangngai chhoh chuan an inbiak chhunzawm tur thu sawiin, a hun tur chu Assam lamin an rawn ruahman turah an ngai tih Home Minister chuan a sawi.

Comments

Popular posts from this blog

Tukverh-a tlasual boral