Zorin Bean seng tan mek

Serchhip District-a ‘Zorin Bean’ chin te chu tunlai hian seng tan mek a ni.

Serchhip District-a Agriculture Department chuan ATMA te kaltlangin Serchhip District chhung khaw hrang hrang 12-a chhungkaw 50 te hnenah Zorin bean chi hi semin heng atanga tharchhuah te hi tunlai hian seng tan mek a ni a, nimin khan Serchhip District-a Hmuntha khaw ram-a Zorin Bean chin te chu seng runpui neih niin helai Cluster-ah hian chhungkaw 13 ten Greenhouse 39-ah Zorin Bean hi an ching a, nimin-a a seng runpui-ah hian mi pakhat thar quintal thum chuang an seng a ni.

Zorin Bean hi Bean pangngai ang loin a sen duk (bawkbawn rawng) ang a ni a, eitur tih hmin a nih hnuah a rawng hi a hring-ah a in thlak ve leh thung a, a chi tuh atanga thla hnih (2) chhung leka seng theih niin a kung ngai ah hian tum 4 vel thar theih a nih thu thawktute chuan an sawi a. He Bean hi Mizoram Chief Minister Zoramthanga leh Agriculture Minister C. Lalrin-sanga te hming lakawpin a hming hi phuah a ni.