Hri kai enkawllai 14 awm

/

Nimin tlai thleng khan Serchhip District-ah COVID-19 hri kai enkawllai mi 14 an awm.

Serchhip District-ah COVID-19 in ziaawm lam a pan ve leh hret hret niin a lang a, nimin khan hri kai hmuhchhuah thar mi pakhat awmin hei hi tunhnaia hri kai hmuhchhuah tamna Khawlai-lung khua atanga hmuh a ni a, nimin khan hri kai mi 2 te chu anmahni enkawlna atanga chhuahtir ni ve leh bawkin heng te pawh hi Khawlailung khua ve ve an ni bawk.

Heti hian nimin thleng khan Serchhip District-a COVID-19 hri kai hmuh tawh chu 14,576 niin an zinga 14,526 te chu enkawl dam an ni tawh a, hri kai hmuh atanga za zela 99.65 te enkawl dam ni tawhin hri kai enkawllai mi 14 an la awm a, hri kai zingah mi 36 an boral tawh bawk a ni. Serchhip District-a hri kai enkawllai mi 14 zinga 10 te hi Khawlailung niin midang 4 te hi Thenzawl khua an ni thung.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »