District Women Football Championship khelh tan a ni

Serchhip District Football Association (SDFA) buatsaih ‘District Women Football Championship 2022’ chu nimin khan Serchhip Sports Stadium-ah khelh tan a ni.
Team 7 te inelna he Championship-ah hian nimin a inkhel hmasa berah Vengchung FC chuan Chanmari FC chu si thum fai-a hnehin Vengchung FC tan Lalnun-tluangi, Lalrammuani leh Malsawmkimi te chuan goal an khung a ni. Nimin a inkhel vawi hnihna ah Thenzawl Zone chuan P&E Veng FC chu si hnih faiin an hneh bawk a, Thenzawl Zone tan Elie Lalhruaitluangi leh Gosie Lalhlimpuii te chuan goal khat ve ve an khung a ni. Nimin-a inkhel hnuhnung berah Hmar Veng FC chuan Chhing-chhip Mualpui G&SA chu si hnih faiin an hneh bawk a, Hmar Veng FC tan Deborah Lalenpuii leh Hminghlupuii te chuan goal an khung a ni.

Vawiin-ah inkhel pathum a awm leh dawn a, inkhel hmasa ber chawhnu dar 1:20-ah Then-zawl Zone leh Chhingchhip Mualpui G&SA te inhmachhawnin dar 2:30-ah Hmar Veng FC leh P&E FC an inhmachhawn anga, inkhel hnu-hnung ber dar 3:40-ah Chanmari FC leh Dinthar FC te an inhmachhawn bawk ang.

Comments

Popular posts from this blog

Volleyball S/F khel dawn