Latest News

Zirtirtu pathum te chawimawina hlan an ni

Serchhip District-a Zirtirtu tha thlanchhuah mi pathum te hnenah nimin khan ‘District Award to Teacher’ hlan an ni.
Teachers' Day, 2022 denchhena Serchhip District chhunga Zirtirtu tha thlanchhuah te hnenah ‘District Award to Teacher’ hlanna hun nimin-a Serchhip DEO Office-a neih hi District Bawrhsap Nazuk Kumar IAS chuan hmanpuiin khawtlang nun a tha zawnga thlak danglamna atana hmanraw pawimawh ber chu zirna a ni tih a sawi a, naupangte hnenah zirna tha (quality education) pek tuma thahnemngai sauh sauh turin District chhunga zirtirtute chu a ngen bawk.

Kumin-a chawimawina dawngtute hi Lalramngaii Sailo, Headmistress, Govt. Hmar Veng Primary School; R. Vanlalhluna, Headmaster, Govt. Middle School-II, Chhingchhip leh Paul Zohmingthanga, Headmaster, Govt. JM High School, Serchhip te niin Citation, Medal leh pawisafai Rs. 5000/- theuh hlan an ni a. An hnathawh dan chanchin K. Zoramchhani, Headmistress, Govt. PCR H/S chuan he hunah hian a chhiarchhuak bawk a ni.

Comments

Popular News (Last 30 Days)