Serchhip District-ah Dengue kai awm mang lo

Tunhnaiah Serchhip District-ah Dengue a leng nia sawi awm mah se Serchhip-a Health Department-a thawktute chuan kumin chhungin he hri kai hmuhchhuah hi Serchhip District-ah awm mang lo tih an sawi.
Tunlai hian Mizoram-ah Dengue natna a len mek thu leh Aizawl khawpui chhung bakah Lunglei, Champhai leh Serchhip District-ah te a leng niin Health Department hotute chuan tunhnai khan an sawi a, LENKAWL chuan he hri leng chungchanga Serchhip District dinhmun chu Serchhip CMO Office-a thawktute zawtin, CMO Office-a thawk te chuan Dengue leng anga sawi theih ni chiah lo ah an ngaih thu leh amah-erawh chu Serchhip District-ah he hri kai hi an la awm ngai loh laiin kumin ah erawh kai an awm thu an sawi a. Serchhip District-ah Dengue kai hi kumin June thla khan Buangpui khua ah hmuh a nih thu leh Chhingchhip khaw mi pakhat chuan he hri hi a kai tih kumin February khan Aizawl-ah hmuh a ni bawk tih an sawi a ni.

CMO Office-a thawktute chuan Rapid Antigen Test hmanga Dengue kai nia rinhlelh te chu ELISA Test nei tura an thawn thin thu an sawi a, heng atang hian Dengue vei hmuh belh erawh an awm loh thu leh tunah hian Serchhip atangin Sample pahnih chu thawn mek a ni tih an sawi a, Sample test-na hi Mizoram-ah Aizawl leh Lunglei-ah chiah a awm thu sawiin, mipuite tan chi-ai na tur a awm loh thu an sawi bawk.

Comments

Popular News (Last 30 Days)

Serchhip DCSO sawn a ni