Serchhip damdawi In kalphung siam danglam

Serchhip District Hospital-a damlo chaw pek hun leh damlo awmpuitu inthlak duhte tan Vawiin, Sept. 23, 2022 atanga hman tan turin ruahmanna siam thar a ni.
Tun thla ni 12-a Serchhip Joint VC ten Serchhip DMS hnena ngenna an thlen hnuah Serchhip District Medical Superintendent Dr. ZD. Lalmuanawma’n tunkar Nilaini-a thuchhuah siama a tarlan danin COVID-19 boruak a lo zia chhoh leh tak avangin Sept. 16, 2022-a Serchhip District Hospital hotu ten sawihona an neih hnuah Hospital inkaihhruaina siam that a ni a. Hemi ang hian chaw inpek hun chu zing lamah dar 7:00 atanga dar 8:00 thleng niin tlai lamah dar 4:00 atanga dar 5:00 a ni anga, Chaw inpek hun chhung hian damlo awmpuitu inthlak ngai leh inthlak duh an awm a nih chuan inthlak theih a ni anga. Harsatna leh rokhawlhna pawimawh bik tak a nih loh chuan Duty te remtihna lo chuan hemi hun chhung bak hian damlo awmpuitu inthlak hi phal a ni lo thung.

Hei bakah hian DMS thuchhuah chuan COVID-19 a la reh fel loh avangin damlo in kan chu a him rih lova hriat a nih thu pawh tarlangin, damlo inkan hi phal a la ni rih lova, thil tul pawimawh bik a awm a nih chuan Duty te hnena sawi tur niin he ruahmanna hi kan zavaia tana remchang leh tha zawk tura siam a nih thu leh September 23, 2022 atanga hman tan tur a nih thu a tarlang bawk.

Comments

Popular posts from this blog

Volleyball S/F khel dawn