SDFA Women Football Championship Final-ah Vengchung FC Vs Hmar Veng FC
Serchhip District Football Association (SDFA) buatsaih Serchhip Sports Complex-a Women Football Championship khelh mekah hian nimin khan Semi Final khelh niin inkhel hmasa zawkah Vengchung FC hian Thenzawl Zone chu 2-1 a hnehin Final an lut a, Vengchung FC tan Lalnuntluangi chuan minute 25 leh 54-ah goal khung Thenzawl Zone atangin Elisa Lalhruaitluangi chuan hun tawp dawn hun pek belh ah goal khat a khung ve bawk a ni.
Semi Final inkhel hnuhnung zawkah Hmar Veng FC chuan Dinthar FC chu si hnih faiin an hneh bawk a, he inkhel a goal lut te hi hun chanve hma lama lut vek niin minute 24-na ah Deborah Lalenpuii chuan goal hmahruai khungin minute 2 hnuah Lallawmawmi chuan goal dang a khung belh a, minute khat chauh a liam hman tihin Lalhruaitluangi chuan goal dang a khung ve leh a, heng goal te hi minute 3 chhunga lut vek a ni.
Vawiin chawhnu dar 2:30 hian Final hi khelh nghal a ni dawn a, Vengchung FC leh Hmar Veng FC te hi an inhmachhawn dawn a ni.
Comments
Post a Comment