PHC leh UPHC te tun sawrkar kum ah upgrade tum

Health Minister Dr. R. Lalthangliana chuan Mizorama Health Sub Centre zawng zawng bakah PHC leh UPHC chu Sawkar kum kal mek chhunga upgarede vek hman tum a ni tih a sawi.

Nimin-a Assembly inkhawm ah Serchhip bialtu MLA Lalduhoma zawhna leh zawhbelhna dang te a chhannaah Health Minister hian, Mizorama Health Sub-Centre 357 awm zinga 313 chu Health and Welness Centre-ah hlankai a ni tawh tih a sawi a, hemi piah lamah hian Primary Health Centre zawng zawng Upgrade vek a ni tawh a, Urban Public Health Centre 8 pawh an Upgrade zo thawkhat tawh a, a bak tlem la awm chu tun Financial Year kalmek chhung hian pgarede vek hman tum a ni a. Hetah hian Upgrade satliah mai lovin, hmanrua leh bungraw chi hrang hrang, tunhmaa la awm ngai lo te pawh pek vek tum a ni a, thawk leh khatah tih nghal vek thei lo mah se zawi zawia pek chhoh zel tum an ni tih a sawi.

Dr. R. Lalthangliana chuan, COVID-19 hri len hma kum 2019 chhoah khan Health Department-a post ruak 2,000 chuang hnawhkhat turin tan an lak thu leh sum mamawh cheng vbc. 50 pawh Finance changtu Chief Minister-in a ngaihtuah sak vek a, COVID-19 hri lengin a tihbuai tak avangin an tithei ta lo a, Post ruak hnawhkhat tur zingah hian Doctor lak tur te, damdawi lama thawktu pawimawh post 742 hnawhkhat turte pawh a awm a, hei vang hian tun thlengin PHC thenkhat Doctor nei lo te pawh an la awm phah niin a sawi.

Japan International Cooperation Agency (JICA) nen tangduna Zemabawk-a Super Speciality Cancer Hospital  tur chu buaipui mek chu kum 2028-ah peih hman beisei niin chak taka hmalak mek a ni tih Dr. R. Lalthangliana chuan a sawi a, sum ruahman chu revised a nih hnuah cheng vbc. 660 ah tihsan a ni tih a sawi bawk.

Comments

Popular News (Last 30 Days)

Serchhip DCSO sawn a ni

Bawngchawm tlang khualbuk rawktu nia hriat mi 2 man