Aizawl Sahuan a ramsa 15 thawnchhuah a ni dawn

India rama Sahuan ten ramsa inthleng tawn (Animal exchange programme) an kalpui thin angin, Aizawl Sahuan-a ramsa 15 te chu Indira Gandhi Zoological Park (IGZP), Vishakapatnam-ah pek an ni.

Aizawl Sahuan thawktute sawi danin heng ramsa la turte hian niminpiah han Aizawl an rawn thleng a, an ramsa lak turte hi Aizawl Sahuan a Range Officer hovin thawktuten lo man fel sa vekin, Bawm (cage) ah an lo dahhrang sa vek a, nimin tlai khan IGZP atanga rawn kalte Bawm (cage) rawn ken-ah dahluh niin Vawiin hian Aizawl Sahuan chhuahsanin IGZP, Vishakpatnam an pan dawn a, ni 10 vel kal kawngah hun hmang tura ngaih an ni.

Aizawl Sahuan atanga tun tuma ramsa pek turte hi Zawng hmaisen (pair 4), Telpui (pair 2, Savawm pakhat leh Zo Zawng (pair 1), a vaiin 15 an ni a, IGZP-a ramsa an neih zingah Aizawl Sahuana dah ve theih tur ramsa mamawh a awm ve loh avangin tun tumah hian IGZP atangin ramsa lakluh a ni ve dawn lo a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man