Ngaihtuahna her danglam a tul

Serchhip District Hospital building thar sakna tura hmalakna kal mekah ngaihdan thuhmun lo a awm avanga Bawrhsap hova Meeting neih chuan thutlukna mumal tak an la nei thei rih lo niin a lang a. Khawi hmun ah pawh Hospital building thar hi sawrkar in sa se an pawm theih thu ziak tura pawl pahnih te kan sawrkar thuneitu ten an beiseina chu naktip ah mai hian sawiho leh a ni dawn niin a lang a, he sawihona neih leh turah hian sawrkar kut ah kan dah thei a nih chuan awlsam te in Hospital building thar hi kan sa thuai thei dawnin a lang a, sawrkar kut-ah kan dah thei ta lo a nih erawh chuan kan Hospital building thar dinhmun tur hi a la chiang lo hle ang.

Hospital sakna hmun thu-ah lungrual taka ngaihdan kan nei thei a nih loh chuan kan sawrkar thuneitute hian hmalak tan mai an tum lo niin a lang a, chutihrual chuan kan sum neih hi sawrkar sum bil a nih bawk si loh avangin sum kal zel dan tur thleng hian kan ngaihtuah tel pawh a tul zui tawh hle a ni.

Tuna kan dinhmun uluk taka ngaihtuah hian damdawi In hmundang a sak emaw, a ngaia sak emaw a nih theih nan lamtang inzawn leh Social Media lama hemi chungchang sawi vak vak hian awmzia a nei tawh rih lo niin a lang a. Chuvangin damdawi In building thar hi neih kan duh a nih chuan tuna kan ngaih-dan leh duhdan tih hlawhtlinna kawng chauh ngaihtuah tawh lo hian, Serchhip Town chhunga mipuite pawhin kan pawm tlan theih tur hmun remchang leh tha dang kan ngaihtuah pawh a tul ta zawk niin a lang. Chutiang a ni lo a nih chuan nakin lawkah hian damdawi In building tha kan neih loh chhan ah hian kan la inpuh kual leh mai mai dawn ni te pawhin a lang tawh a ni.

Comments

Popular posts from this blog

Volleyball S/F khel dawn