Mizoram a Supply Chain Main Hub lian ber hawng

/

Cooperation Minister C. Lalrinsanga chuan Mizoram a Supply Chain Main Hub lian ber, MIZOFED Supply Chain Main Hub (Godown) chu nimin khan Zuangtui-ah a hawng.

MIZOFED Supply Chain Main Hub hawnna hunah hian Cooperation Minister chuan Main Hub a nih anga beisei aia lian an nei thei chu lawmawm a tih thu sawiin, Main Hub bakah District 11-ah kuthnathawktute tharchhuah leh thildang Production Collection Centre sak leh ruahmanna te a kal mek thu a sawi a. He Supply Chain Main Hub in a tinzawn ber chu Consumer Commodity mai bakah kuthnathawktute thawhchhuah, thlai leh thildangte sum a chantirna hmun leh mipui (consumer) ten zangkhai zawk leh man man zawka an mamawhte an lei theihna hmun tur a ni, a ti.

Cooperation Minister chuan Mizoram khaw tam takah Farmers' Society hrang hrang awmin, Society te hnathawh lo pui turin Federation hi a khaikhawmtu an nih thu leh Federation hrang hrangten an hma teuhah hmalakna tur leh hmasawnna tur an neihah tan la a, hmasawn tum zel turin a chah a. MIZOFED chuan tun dinhmunah bungrua wholesale lamah tan la tharin, Aizawl District leh a chhehvela mipui mamawh bungrua te hralh a chak theih nan hma la tharin, Packaging Unit leh Mobile Sales Unit te an indin thar thu a sawi a. MIZOFED Supply Chain Hub nghaktu leh thawktute pawh dawr nuam leh mipui rawngbawl an ni tih inhre reng turin a chah bawk a ni.

Mizoram a Supply Chain Main Hub lian ber hi NEC sum atanga sak niin Post Harvest Project atan cheng nuai 461 hmuh a ni a, chuta tang chuan cheng nuai 178 sengin Supply Chain Main Hun building hi sak a ni. A hmun hi a tirah chuan godown te reuh te a ni a, a hmun rawt hniam hmasak niin Building floor hnih hi kawng an ve ve niin, load leh unload na hmun remchang tak a ni a. He hna hi September, 2021-ah tanin, kumin January-ah Cement Work tan a ni a, July 2022-ah sak zawh a ni. Tun dinhmuna bungrua awm te chu Amul, Cooker, Arham, Padma, Basmati, Mr. White, Chini, Dal niin, a vai hian cheng nuai 115 man a awm (stock) mek a, nimin khan bungrua chhuak hmasa ber chu Lunglei-ah thawn a ni nghe nghe a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »