Mizoram-a Jail hrang hrangah tang tam

Mizoram District hrang hrangah mi 1,386 awm theihna Jail 10 a awm laiin Jail tang 1,500 chuang an awm mek a, Jail thenkhatah chuan tang awm thei zat (jail capacity) aia tam an tang a ni.

Prison Department tarlan danin, Mizoram-ah mitang (prisoner) 1,386 awm theihna Jail 10 a awm a, hetihlai hian Jail thenkhatah chuan mitang awm thei zat (capacity) aia tam tang an awm reng, Jail hrang hrangah hian damchhung tang tura thiamloh chantir (convict) tawh mi 49 an awm a, chung zinga pakhat chu hmeichhia a ni. September ni 14, 2022 thleng khan Central Jail, Aizawl-ah mitang 726 awmin, tang awm thei zat erawh 438 a ni a. Central Jail, Aizawl-ah hian damchhung tang tura thiamloh chantir tawh mi 48 (mipa vek) awmin, Central Womens Jail-ah damchhung tang tura thiamloh chantir tawh hmeichhe pakhat nen, an vaiin mitang 147 an awm a, tang awm thei zat erawh 96 a ni thung.

Mitang 109 awm theihna, District Jail Lunglei-ah tang 119 awm mekin, tang 92 awm theihna, District Jail Siaha-ah tang 63 an awm a. Tang 105 awm theihna, District Jail Champhai-ah mi 140 awm mek bawkin, mi 134 awm theihna, District Jail Kolasib-ah tang 96 an awm bawk. Mi 98 awm theihna District Jail Lawngtlai-ah tang 37 awmin, mi 128 awm theihna District Jail Serchhip-ah tang 50 an awm a, mi 96 awm theihna District Jail Mamit-ah mitang 56 an awm bawk a ni.

Comments

Popular posts from this blog

Volleyball S/F khel dawn