Mizoram State Anti-Tobacco Day hmangin Tobacco Free Educational Institution 2 puan a ni

/

Kumin-a Mizoram State Anti-Tobacco Day lo thleng tur pualin nimin khan Serchhip District-a National Tobacco Control Programme (NTCP) chuan Govt. Bungtlang H/S-ah he ni pual hian hun an hmang.

Kumin-a Mizoram State Anti-Tobacco Day-ah hian ‘Zuk leh hmuam laka zirlaite venhim’ tih chu thupui-ah hman niin he hun hi NTCP Serchhip District-a DEO Lalramnghaka Kawlni chuan a kaihruai a, he hun hmanpuitu NTCP-a District Nodal Officer Dr. Lalngaihawmi Chhangte chuan he ni an hman chhan sawiin, Cigarettes and Other Tobacco Products Act hnuaia puipunna leh vantlang hmun hrang hranga meizuk khapna Dan leh heng Dan siam bawhchhia te hremna Dan te sawiin, zirlai naupangte chu Vaihlo leh a kaihhnawih laka fihlim turin a chah bawk.

He hunah hian NTCP-a Social Worker C. Lalrempuia chuan kumin chhunga an hmalak tawh dan te tarlangin, kumin January atanga August thla thleng khan Vaihhlo leh a kaihhnawih nghei duh te tana pan theih Serchhip-a Tobacco Cessation Clinic (TCC) chu mi 224 ten panin mi 44 te chuan Vaihlo leh a kaihhnawih an sim a, hei hi TCC pantu atanga chhutin za zela 19.64 niin Anti-Tobacco Squad Drive tum 40 neih a ni tawh bawk a, heng ah hian Dan bawhchhia mi 52 man niin an sum chawi tlingkhawm chu Rs. 3,250/- a ni a, Food & Drug Administration leh Legal Metrology te nen Joint Drive tum 2 an nei  tawh bawk. Kumin chhung hian School hrang hrangah Programme tum 40 buatsaih tawhin Awareness Programme tum 13 an nei tawh bawk a, Bungtlang-a Govt. M/S-II leh Govt. H/S te chu ‘Tobacco Free Educational Institution’ ah puangin heng School te hnenah hian thuziak hlan nghal an ni bawk.

Mizoram sawrkar in Vaihlo leh a kaihhnawih thildang thatloh zia inzirtirna atana ‘Mizoram State Anti-Tobacco Day’ a hman thin hi kumin hian a vawi 9-na atan hman leh tur niin he ni hi September 11-ah hman thin a ni a, kumin hian Pathianni-ah a tlak avangin nimin khan Serchhip District-ah chuan hun hman a ni ta zawk a, nimin-a he hun hmanna ah hian Sikhaar pocket 1610 leh SS1 poucket 1702 te chu tihchhiat nghal a ni bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »