Mizoram E. Roll atangin Bru voters 1,266 paih tawh

Mizoram Election Department chuan nimin, September ni 13, 2022 thleng khan Tripura a inbenbel thlang Bru Voters 1,266 te chu Mizoram Electoral Roll atangin an paih tawh a, heng te hi Corresponding Deletion Request an dawn anga paih te an ni.

Thudawn danin, nimin thlenga Mizoram Election Depatrment in Mizoram Electoral Roll atanga a paih tawh te hi Mamit District chhung, Hachhek bial atangin 791, Dampa bial atangin 48 leh Mamit bial atangin 235, an vaiin 1,074 an ni a. Kolasib District chhungah Tuirial bial atangin 79, Kolasib bial atangin 29 leh Serlui bial atangin 67, an vaiin 175 bakah Lunglei District chhung, Thorang bial atangin 6 leh West Tuipui bial atangin 11 te an ni.