Mizoram-ah COVID-19 enkawllai 289 awm mek

Nimin tlai thleng khan Mizoram-ah COVID-19 hri kai enkawllai mi 289 an la awm.

Zirtawpni khan Mizoram-ah Sample 531 enfiah niin heng atang hian COVID-19 hri kai mi 63 hmuh an ni a, Sample enfiah atanga chhutin za zela 11.86 te chuan hri an kai a ni. Heng hri kai hmuh te hi Rapid Antigen Test hmanga Sample enfiah 530 atanga hmuh te vek niin ZMC-a RT-PCR Laboratory-a Sample enfiah pakhat chu hri lakah a fihlim thung. Inrinni khan Mizoram-ah Sample 193 enfiah leh niin heng atang hian COVID-19 hri kai mi 32 hmuh leh an ni bawk a, Sample enfiah atanga chhutin za zela 16.58 te chuan hri kaiin an vai hian Rapid Antigen Test hmanga Sample enfiah atanga hri kai hmuh vek an ni bawk.

Inrinni khan Mizoram-ah COVID-19 hri kai mi 91 te chu anmahni enkawlna hmun atanga chhuahtir an ni a, nimin khan mi 38 te chhuahtir an ni ve leh bawk a. Heti hian nimin tlai thleng khan Mizoram-a COVID-19 hri kai hmuhchhuah tawh chu 2,37,746 niin an zinga 2,36,735 te chu enkawl dam ni tawhin hri kai hmuhchhuah atanga chhutin za zela 99.57 te enkawl dam an ni tawh a, hri kai enkawllai mi 289 la awmin hri kai te zingah mi 722 enkawl dam an ni tawh a ni. Tun dinhmunah Aizawl District chu hri kai enkawllai tam berna District la niin mi 100 enkawllai an la awm a, Mamit District 47 leh Lunglei District 46 ten dawtin District 5-ah hri kai enkawllai mi 10 aia tlem an awm thung a ni.