Ruihhlo leh Zu vanga mahni intihlum an tam

Kum nga kalta chhungin Mizoram-ah mi 443-in anmahni nunna an la a, ruihhlo leh Zu kaihhnawih avangin mi 167 in anmahni an intihlum.

Chhinchhiahna atanga a lan danin kum 2017 atanga nikum thleng khan Mizoram-ah mahni intihlum mi 443 awmin ruihhlo leh Zu avanga mahni intihlum mi 167 bakah hian hrisel loh vanga mahni nunna la mi 77 an awm a, Inchhungkhur harsatna leh buaina avanga mahni nunna la mi 69 an awm bawk. Heng bakah hian mi 42 chuan inngaihzawnna kal fuh lo avangin anmahni nunna an la a, an zinga 30 hi mipa an ni a, hmeichhia 12 an awm bawk. Nupa innei inkara harsatna avanga mahni intihlum 14 an awm a, an zinga 12 hi mipa an ni a, an hna duh ang an hmuh theih loh avanga mahni nunna la mi 33 an awm a, mi 30 chuan retheih luat avangin anmahni nunna an la bawk. Thil neih inchuh avanga mahni inthat 9 an awm a, an hmangaihte an thih avanga mahni intihlum mi 2 an awm bawk. Mahni intihlum zinga a chanve aia tam hi a hma a intihhlum lo tum tawh thinte nia chhinchhiah niin Ruihhlo leh zu khawih nasat lutuk avanga rilru buai leh rilru hah, mahni intihhlum mai thlang zawk hi an tam nia tarlan a ni bawk.