Kumin ah Vawk 299 thi tawh

Zonuna Kawlni (LENKAWL) • September 12, 2022 • Comments • Serchhip

Kumin chhungin Serchhip District-ah African Swine Fever (ASF) vangin Vawk 299 a thi tawh.

AH & Vety Department chhinchhiahna atanga a lan danin kumin March 29 hnu lamah Serchhip District-a khaw 8 chu ASF hri lenna ah puan ni tawhin heng zinga khaw 7-ah hian Vawk 299 a thi tawh a, East Lungdar-ah Vawk thi tam berin 103 a thi tawh a, Mualcheng-ah Vawk 80 thiin Sailulak-ah 33 leh North Van-laiphai-ah 32 a thi tawh a, Khawlailung-ah 23, Lungchhuan-ah 22 leh Bawktlang-ah 6 a thi tawh bawk a ni. Heng Vawk hri lenna khaw hrang hrang bakah New Serchhip-ah nen kumin hian Vawk 391 zet suat a ni tawh bawk a ni.

Hetihlai hian Serchhip District-a Veng leh khua 11-ah kumin chhung hian ASF nia rin-hlelh vangin Vawk thi 26 a awm tawh bawk a, Vawk 134 suat ni tawh bawkin khaw thenkhat a Vawk thi Sample chu enfiah tura lak a ni bawk.