Mizofed Chairman in YMA leh Consumers te a kawm

/

MIZOFED Board Chairman K. Rothangpuia chuan Inrinni khan Serchhip rawn tlawhin Serchhip Sub-Hqrs. YMA leh Serchhip District Consumers Association hruaitute nen inkawmna an nei.

Serchhip Sub-Hqrs. YMA Office-a an inkawmna hi Serchhip Sub-Hqrs. YMA President Kawlthuama chuan kaihruaiin he hunah hian MIZOFED Chairman chuan MIZOFED ten Serchhip-a Petrol Pump nei tura hma an lo lak tawhna te a sawi a. Seling leh Serchhip inkar ah Petrol Pump a la awm miah loh thu sawiin, tunah hian Chhingchhip-a an ram-ah Petrol Pump dah rawtna a awm mek thu a sawi a, a thei chuan dah an tum thu leh Serchhip-a an hmalakna pawh an beidawnsan loh thu an sawi a. Serchhip-ah hian sumdawnna lian tak rawn din an duh thu sawiin, amaherawh chu an ram neih in a zir rih loh avanga harsatna an neih te a sawi a, Serchhip Sailiamkawn-a an ram chu Petrol Pump hmun tur a nih ang ngeia hmang tura hma an lak zel dawn thu a sawi bawk.

He hunah hian Serchhip-a Petrol Pump nei tura hmalakna chungchang bakah mipuite hnena eirawngbawlna Gas sem chungchanga mipui ten harsatna an tawh te sawiho a ni bawk a, mipui ten buk tling ngei eirawngbawlna Gas an lak theih dan tur leh Home Delivery kalpui mekah mipuite tana tha leh tangkai zawka kalpui a nih theih dan turte an sawiho bawk a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »