Govt. Serchhip College-a NSS PO leh Volunteer in kumin-ah ‘State Level NSS Award’ an dawng

/

Mizoram-a National Service Scheme (NSS) Unit hrang hranga Programme Officer (PO) hna thawk tha leh Volunteer hna thawk tha chawimawina, ‘State Level NSS Award for 2021-2022’ sem takah Govt. Serchhip College atangin C. Lalramliana (Programme Officer) leh Lalrempuii Sailo (NSS Volunteer) te hnenah he chawimawina hi hlan a ni.
 September 24-a hman thin, NSS Foundation Day vawi 53-na puala inkhawm Zirtawpni kalta-a Aizawl Vanapa Hall-a neih ah ‘State Level NSS Award for 2021-2022’ hi semchhuah niin Govt. Serchhip College NSS Unit-a Programme Officer C. Lalramliana hnenah he chawimawina hi hlan a ni a, pawisafai Rs. 20,000/- leh thuziak a kengtel a ni. Chawimawina dawngtu C. Lalramliana chuan NSS Volunteer ten hma an lakna hrang hrangte chu thehlut tura tih an nih angin an hmalakna an thehluh atangin he chawimawina hi dawng a ni tih a sawi a. Heng an hmalakna zingah hian midang tana thisen pek kawnga an hmalakna te, khawtlang faina atana hma an lakna te, Plastic hmang tlem tura inzirtirna kalpui te, Sesah lui kawr-a bawlhhlawh an lo thenfai leh thildang dang hrang hrang a tel thu sawiin, kum thum (3) kalta chhunga an hmalakna an tarlan te atanga he chawimawina hi dawng a nih thu a sawi bawk.


NSS Volunteer zinga State Level NSS Award dawngtu Lalrempuii Sailo hi Serchhip Dinthar Veng-a cheng a ni a, NSS Volunteer te hi kum 2 chhunga an hmalakna atanga teh ni thungin Lalrempuii Sailo hian Govt. Serchhip College-a a kal kum hnih chhung hian NSS hmalakna hrang hranga a telna leh an hnathawh te tarlan a ni a, heng zingah hian kum 2 chhung hian midang tan a thlawnin thisen tum 6 lai a pe nghe nghe a, he chawimawina hian pawisafai Rs. 10,000/- leh thuziak a kengtel a, Lalrempuii hi MZU-ah zirna chhunzawm in a kal mek a ni.

NSS Unit hi Higher Secondary School chin chunglam zirna In-ah din thin niin Govt. Serchhip College-ah hian NSS Unit 5 awmin PO mi 4 an awm mek a, Unit pakhat ah hian Volunteer mi 100 zel an awm thei a, kum 2014-a he Award sem a nih atangin zirna In pakhat atanga hetiang chawimawina dawng thei hi an la awm lo nia hriat a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »