Mihring-a sumdawnna thubuai 35 awm tawh

Mizoram-ah kum 2000 atanga kumin August thlengin mihring hmanga sumdawnna (Human Trafficking) thubuai 35 ziahluh a ni tawh a, Trafficking tuartu mi 95 chhanchhuah an ni tawh bawk.

Mizoram Police hotute sawi danin, kum 2000 atangin Mizoram hian Human Trafficking thubuai kan nei tan a, thubuai kan ngah ber kumah case pasarih (7) ziahluh a ni. Kum 2000 atanga kumin thlenga thubuai ziahluh tawh zat chu 35 a ni a, trafficking tuartu hi an vaiin 95,  puitling 62 leh naupang 33 chhanchhuah tawh niin, a mawhphurtua puh Mizo 47 leh hnamdang 17 thubuai siam sak an ni tawh bawk.

Police hotute chuan foreign a hna zawngte leh India ram khawpui lian zawka hna zawngte chungah hetiang hi a thleng nasa bik tih an sawi a, an hnathawhna ram azira han umzui mai harsa deuh te pawh a awm a, an va awmna hmuna Mizo Welfare ten nasa takin hetiang tuartute chhanchhuahna kawngah Police te an tanpui thin thu an sawi a ni.

India ram state dangte khaikhinin Mizoram-ah mihringa sumdawnna thubuai tam lo mah se, kumtin deuhthaw thubuai a awm thu leh International Human Trafficking ti thinte'n Mizoram chu kalkawngah an hman thin thu an sawi a, Human Trafficking do turin Police hnuaiah Anti-Human Trafficking Unit din a nih thu pawh an sawi bawk.

Comments

Popular posts from this blog

Volleyball S/F khel dawn