Lunglei-a Mizoram University Southern Campus din tur chungchang Union Minister of State sawipui

New Delhi-a cham mek Higher & Technical Education Minister Dr. R.Lalthangliana chuan nimin khan Union Minister of State for Education Dr. Rajkumar Ranjan Singh chu hmuin Lunglei-a Mizoram University Southern Campus din tur chungchang a sawipui.

Nimin-a Union Minister of State for Education Dr. Rajkumar Ranjan Singh a hmuhna ah hian Dr. R. Lalthangliana chuan Lunglei-a Mizoram University Southern Campus din tura sawrkar laipuiin kum 2020 January thlaa Notification a lo tihchhuah tawh chungchangah sawrkar laipui hmalakna muang lutuk leh harsatna thar rawn awm chungchangte khunkhan takin a sawipui a, Mizoram sawrkarin a dinna tur ram a tihfel tawh thu hrilh nawn lehin, chak taka hmalakpui turin a nawr a, Mizoram University Vice Chancellor Prof. KRS Sambasiva Rao pawh telephone a be nghalin Union Minister chuan, Mizoram University Act, 2000-ah Mizoram University Campus/Centre dang hawn phalna dan a awm tih a hriatin e-mail hmanga rang taka thawn nghal turin a hrilh a, hemi dan tlawhchhan hian theihtawp chhuaha hmalak a lo tiam a ni.

RUSA chungchangah India ram puma harsatna lian tak an tawh dan leh a nghawng awm theite pawh sawipui nghalin, RUSA-3 kalpui leh ngei turin a ngen a, Dr. Rajkumar hian ngaih pawimawh sakin, Ministry of Education-a Joint Secretary Saumya Gupta IAS chu a biak sak hnuah Dr. Thangtea hian a hmu nghal a, Mizoram a RUSA 2.0 hnuaia harsatna an tawh hrang hrangte chinfel dan ngaihtuah rang tura a ngenna chu chhangin uluk taka a lo enzui tur thu a sawi a, RUSA 3.0 tihlawhtling thuai tura Minister thu thlen pawh a guidelines thla 2/3 velah an zawhfel a beisei thu leh an peihfel veleh Union Cabinet Meeting-ah ngaihtuah tura thlen a nih tur thuin a lo chhang a ni.

MoS for External Affairs ni bawk Dr. Rajkumar Ranjan Singh hnenah hian Bangladesh Commerce Minister in kumin April thlaa Mizoram a rawn tlawh tuma thuchhuah intawm an siam copy chu thehlutin External Affairs Minister a nihna anga hma laksak tur a ngen bawk a ni.

Comments

Popular posts from this blog