Hmeichhe naupangte mahni inven dan zirtir dawn

Hmeichhe naupangte mahni-a inven dan zirtirna tur, Rani Laxmibai Atma Raksha Prashishan (Rani Laxmibai Self Defence Scheme) atan nimin khan Samagra Shiksha leh Mizoram Amateur Taekwondo Association(MATA) te chuan thawhhona thuthlung an ziak.
School Education Complex Conference Hall, Aizawl-a he thawhhona thuthlung an ziah ah hian Samagra Shiksha aiawhin Additional State Project Director C. Lalthanzira chuan a hming ziakin MATA aiawhin General Secretary Joseph Thansanga chuan a hming a ziak bawk a. He thawhhona thuthlung ang hian Samagra Shiksha hnuaia School zawng zawnga hmeichhe naupangten mahni inven dan an thiam theih nan leh inrintawkna an neih theih nan MATA-in zirtirna an kalpui anga. District hrang hranga sawrkar sikul zawng zawng Elementary leh Secondary, a vaiin School 1263 te chu tuam vek an ni anga, District Project Office, Samagra Shiksha leh District Amateur Taekwondo Association te anmahni huamchhung theuhah an thawkho dawn a ni.

Mizoram Samagra Shiksha in Self defence a kalpui hi India ram pumah a tichhuak hmasa bertu niin Self defence zirtirna hi thla thum (3) chhunga zawh tura ruahman a ni a, zirtirtu tur chu MATA ten an ruat dawn a ni. Hmeichhe naupang in tawhsual a lo tawh palha insaseng thuai dan te, a bula hmanraw awm hnai apiang hman tangkai thiam theih dan turte zirtir an ni dawn a ni. Kum 2015 atang khan hmeichhe naupangte mahnia inven dan tur zirtir hna hi kalpui a lo ni tawh a, kumin hian MATA leh Samagra hian thawhhona an chhunzawm zel dawn a ni.

Comments

Popular posts from this blog