COVID-19 pung ve leh hret

Nimin khan Serchhip District-ah COVID-19 hri kai chhinchhiah thar mi 16 lai awm lehin hri kai enkawllai pawh mi 27 lai an awm leh tawh bawk.

Serchhip District-ah COVID-19 hri in ziaawm lam a pan laiin nimin khan hri kai mi 16 zet chhinchhiah thar an awm leh a, heng zinga mi 12 te hi Khawlailung niin Thenzawl-ah mi 2 leh East Lungdar leh Serchhip Dinthar Veng-ah mi pakhat ve ve te an ni. Nimin khan Serchhip District-a COVID-19 hri kai mi 6 te chu anmahni enkawlna hmun atanga chhuahtir an ni ve leh bawk a, Khawlailung khua mi 3, Thenzawl 2 leh East Lungdar khua mi pakhat te an ni.

Heti hian nimin tlai thleng khan Serchhip District-a COVID-19 hri kai hmuhchhuah tawh chu 14,542 niin an zinga 14,479 te chu enkawl dam an ni tawh a, hri kai hmuh atanga chhutin za zela 99.56 te chu enkawl dam an ni tawh a, hri kai enkawllai mi 27 la awmin hri kai zingah mi 36 an boral tawh a ni.

Comments

Popular posts from this blog