Leiba kan neih theih zat aia tam kan ba - Vanlalruata

Peoples' Conference Party Acting President Vanlalruata chuan Mizoram in leiba kan neih theih zat bituk aia tam kan ba tawh niin a sawi.

PC Party in nimin-a Aizawl-a an Office-a Meeting an neih ah PC Party Acting President Vanlalruata chuan Mizoram Finance Minister leh Chief Minister Zoramthanga chu sum leh pai enkawl kawngah a hlawhchham lailet der nia sawiin, “Budget siam laia sum hmuh tura beisei aia tam kan sawrkarin a hmu deuh ziah chungin sum hmanna lamah a hlawhchham avangin kan leiba a pung zual zel a. Tunah phei chuan leiba kan neih theih zat bituk aia tam kan ba tawh a ni,” tiin hemi siamthat dan hi anni chuan an thiam thu a sawi bawk. Vanlalruata chuan GSDP atanga 27.85% chauh leiba neia kal tura policy siam a nih avangin Mizoram GSDP chu leiba kan ngah theih nan, dik lo taka chhut pun niin a sawi a, GSDP chhut pung chung pawhin tuna kan leiba hi kan GSDP atanga 34.51% a ni tawh nia sawiin, hei hian kan Finance Minister a hlawhchham a, Finance Minister thar kan mamawh tih a lantir chiang hle nia a ngaih thu a sawi a. Sawrkarin sum hmuh a tlem thu an sawi thin laia budget-a sum hmuh tum aia tam an hmuh thin thu a sawi bawk.

Comments

Popular posts from this blog