Mizoram-ah hri kai enkawllai 230 la awm mek

Mizoram-ah COVID-19 hri kai enkawllai zat tlahniam ve leh hretin nimin tlai thlengin hri kai enkawllai mi 230 an awm.

Niminpiah khan Mizoram-ah Sample 105 enfiah niin heng atang hian COVID-19 hri kai mi 9 hmuhchhuah an ni a, Sample enfiah atanga za zela 8.57 te chuan hri an kai a, heng Sample enfiah te hi Rapid Antigen Test hmang vek niin hri kai hmuhchhuah te hi Aizawl District-ah 5, Lunglei District-ah 3 leh Mamit District-ah pakhat te an ni.

Nimin khan Mizoram District 10 atangin hri kai mi 68 te chu anmahni enkawlna hmun atanga chhuahtir niin heti hian nimin tlai thleng khan Mizoram-a COVID-19 hri kai hmuhchhuah chu 2,37,755 niin an zinga 2,36,803 chu enkawl dam an ni tawh a, hri kai zinga za zela 99.59 te enkawl dam ni tawhin hri kai enkawllai mi 230 an la awm a, hri kai te zingah mi 722 an boral tawh bawk a ni. Mizoram District 11 zingah hri kai mi 40 aia tam enkawlna Aizawl District chiah awm tawhin mi 10 aia tlem enkawlna District 5 a awm bawk a ni.

Comments

Popular posts from this blog