Aizawl-ah State Anti-Tobacco Day 2022 hman a ni

/

Nimin khan Aizawl Vanapa Hall-ah ‘Zuk leh hmuam laka zirlaite venhim’ tih thupui-a hmangin Mizoram State Anti-Tobacco Day 2022 chu hman a ni.

National Tobacco Control Programme, National Health Mission leh Indian Society on Tobacco & Health Mizoram ta tangkawp in an buatsaih Mizoram State Anti-Tobacco Day vawi 9-na hi Health & Family Welfare Board Vice Chairman Dr. ZR. Thiamsanga MLA chuan hmanpuiin zuk leh hmuam hmang nasa te zingah Mizoram hming a la lang reng mai chu a vanduaithlak tih a sawi a, Zuk leh hmuam hi hriselna tichhetu anih zia hriat thar fo a, inthiarfihlim san a pawimawh tih sawiin, zuk leh hmuam avanga naupai hrisel loh phah theih dan te, nau chhiat theih anih thu te, nau sawngnawi neih phah theihna hial anih thute a sawi a. Mizoten zuk leh hmuam lei nan sum thahnem tak kan khawhral thin chu a pawi thu a sawi bawk.

He hunah hian Zuk leh hmuam kaihhnawih natna chi hrang hrang avangin a chingtute zinga a zatve velin nunna an chan phah thin thu leh hei vang hian thalai te chu vaihlo leh vaihlo atanga thilsiam laka fihlim a, nundan phung hrisel neih a pawimawh zia tarlan a ni a. Zirna In zawng zawngte Tobacco Free Educational Institution (ToFEI) ni vek tura hmalakna a kal mek thu pawh tarlan niin, Department hrang hrangte nen Mizoram a zirna In zawng zawngte chu 100% Tobacco Free Educational Institution (ToFEI) an nih theihna tura hmalak a pawimawh zia te tarlan a ni bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »