Larsap dawnsawn dan tur rel

Mizoram Governor Dr. Hari Babu Kam-bhampati chuan tunkar tawplam khian Serchhip District a rawn tlawh dawn a, amah lo dawnsawn dan tur hi nimin khan District Bawrhsap Nazuk Kumar IAS hovin sawrkar mi pawimawh, NGO, Political Party leh Kohhran aiawhte chuan an sawiho a ni.
He thutkhawm Serchhip DC Meeting Hall-a neihah hian Bawrhsap chuan Serchhip District-a Governor in hun a hman dan tur tlangpui tarlangin, Governor hian zan khat riakin Serchhip District hi a tlawh dawn a, a ni khatna ah Serchhip-a Head of Offices, Kohhran hruaitute, Party aiawh leh tlawmngai pawl aiawhte a kawm anga, a ni hnihna ah Chhingchhip-a Sainik School chu tlawhin Central Scheme hnuaia hna-thawh leh heng hmalakna chhawr tangkaitu te chu a kawm dawn bawk a ni.


He Meeting-ah hian Governor lo dawn-sawn dan tur ruahmanna siam niin Governor in Department hrang hrang hotute a kawmna hun ah an hmalakna tarlan tur thehlut tura tih an ni a, he hunah hian Serchhip SP in venhimna lama Serchhip District dinhmun a tarlang bawk dawn a. Central Scheme hmanga hnathawk Department te pawh an hmalakna kimchang thei ang bera lo hrilh thei tura inbuatsaih tura chah an ni bawk.

Comments

Popular posts from this blog

Tukverh-a tlasual boral