Damdawi In sakna hmun tur relfel thei lo

Serchhip District Hospital Building sakna tur chungchang sawihona chu nimin khan neih leh niin Damdawi In hmun tur tihfel a ni thei lo a, damdawi In hmun chungchanga hma la tu pawl pahnih te chuan thuchhuah intawm an siam thung a ni.
Serchhip District Hospital sakna tura ngaihdan inanglo chungchang avanga NGOCC leh JAC thutkhawm Serchhip DC Meeting Hall a neih ah hian pawl pahnih aiawh mi 8 ve ve telin Meeting kaihruaitu District Bawrhsap Nazuk Kumar chuan thutkhawm an lo neih tawhna thu bawhzuia thutkhawm hi neih a nih thu sawiin, PGCIL atanga CSR an hmuh sum leh pai chu pil bo (lapse) palh thei reng a nih thu a sawi a. Hei vang hian Damdawi In sakna hmun tur thlan fel vat vat a tul takzet tih a sawi a ni.


Hemi hnu hian pawl pahnih aiawhte hian ngaihdan an neih te sawiin, a hma lama an dinna chu an dinna a nih reng thu an sawi a, hei vang hian damdawi In hmun chungchang ah hian thutlukna siam thei lovin thuchhuah intawm erawh siam a ni a. He an thuchhuah ah hian ‘NGO Coordination Committee chuan Serchhip District Hospital hi kan lo rel tawh angin Bukpui-ah ngei awm thei se kan duh a. Chutihlaiin, Sawrkar in khawi hmunah pawh dah se kan pawm thei a ni. Joint Action Committee chuan Serchhip District Hospital hi a hmun ngai ah ngei sak a nih theih nan a theih angin hma kan la zel dawn a ni,’ tiin an tarlang a. He thuchhuah intawm ah hian pawl pahnih aiawhin Chairman leh Secretary ve ve ten an hming an ziak a ni.

Comments

Popular posts from this blog

Tukverh-a tlasual boral