PHE Department in Serchhip khawpui chawmna atana Tuikum lui an lakna a Electric khawl chhia chu siamthat tumin thawktu ten hma an la mek zel a. He khawl chhia thlakna tura parts an chah chu tunkar Thawhtanni khan Thlawhtheihna hmangin Lengpui Airport rawn phurh thlen niin nizan hmasa khan Serchhip rawn thlenpui nghal a ni a. Nimin khan khawl remkhawm hna hi thawh nghal niin hetah hian beisei anga a tha thei a nih chuan Vawiin hian Tuikum Pump House-ah phurh thlak a ni anga, hemi hnu hian khawl awmsa nen remkhawmin tihfel ngai ang ang tihfel a nih hnuah khawl hi enchhinna neih theih a ni dawn a ni. Tuikum lui tui pump-na Electric khawl a chhiat avang hian mipuite hnena tui semchhuah kawngah harsatna a thleng mek a, thawktute pawhin zan lam thlengin tui sem hna hi an thawk thin a ni.
.jpeg)