Hri kai enkawllai 28 awm

Zonuna Kawlni (LENKAWL) • September 14, 2022 • Comments • Serchhip

Nimin tlai thleng khan Serchhip District-ah COVID-19 hri kai enkawllai mi 28 an la awm.

Nimin khan Serchhip District-ah COVID-19 hri kai mi 3 hmuh belh leh an ni a, heng te hi khaw 3 atanga hmuh niin Serchhip Field Veng, Then-zawl leh Khawlailung-ah mi pakhat theuh an ni. Nimin khan Serchhip District-a COVID-19 hri kai enkawl mi 2 te chu anmahni enkawlna hmun atanga chhuahtir an ni bawk a, Khawlailung leh Lungchhuan khua mi pakhat ve ve an ni.

Heti hian nimin tlai thlenga Serchhip District-a COVID-19 hri kai hmuhchhuah tawh chu 14,545 niin an zinga 14,481 chu enkawl dam an ni tawh a, hri kai hmuh atanga za zela 99.58 te enkawl dam ni tawhin hri kai enkawllai mi 28 an la awm a, hri kai zingahh mi 36 an boral tawh a ni.

Serchhip District-a khaw 5-ah hri kai enkawllai an la awm mek a, hri kai enkawllai mi 28 zinga 19 te hi Khawlailung khua niin Then-zawl-ah 4, East Lungdar leh Serchhip-ah mi 2 ve ve leh Vanchengte-ah mi pakhat te an ni.