Hri leng in ziaawm lam pan ve hret hret zel

/

Mizoram-ah COVID-19 hri leng in ziaawm lam a pan ve hret hret zel niin a lang a, nimin tlai thleng khan COVID-19 hri kai enkawllai mi 230 an la awm a ni.

Niminpiah khan Mizoram-ah Sample 492 enfiah niin heng atang hian COVID-19 hri kai mi 52 hmuh an ni a, Sample enfiah atanga chhutin za zela 10.52 te chuan hri an kai a, heng hri kai hmuh te hi Rapid Antigen Test hmanga Sample enfiah 492 atanga hmuh te vek niin ZMC-a RT-PCR Laboratory-a Sample enfiah 17 atangin hri kai hmuh an awm lo thung. Niminpiah-a hri kai hmuh belh mi 52 zinga 25 te hi Aizawl District atanga hri kai hmuh te an ni a, Lunglei District-ah 8, Champhai District-ah 7, Serchhip District-ah 6, Mamit District-ah 5 leh Saitual District-ah mi pakhat te an ni.

Nimin khan Mizoram District 7 atangin COVID-19 hri kai mi 60 chu anmahnu enkawlna hmun atangin chhuahtir an ni ve leh a, heti hian nimin tlai thleng khan Mizoram-a COVID-19 hri kai hmuh tawh chu 2,37,934 niin an zinga 2,36,982 te chu enkawl dam an ni tawh a, hri kai zinga za zela 99.60 te enkawl dam ni tawhin hri kai enkawllai mi 230 an la awm a, hri kai zingah mi 722 an boral tawh bawk a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »